Նախաճաշը՝ սննդակարգի ամենակարեւոր բաղադրիչն է. med.news.am

Ասում են, որ նախաճաշը օրվա սննդակարգի ամենակարեւոր բաղադրիչն է: Բայց այն իրո՞ք այդքան կարեւոր է: Մեզանից շատերը նախընտրում են արագ հագնվել եւ գնալ աշխատանքի` առանց ժամանակ վատնելու նախաճաշի վրա, մինչդեռ, շատ հետազոտողներ խորհուրդ են տվել առավոտյան նորմալ նախաճաշել:

Ոմանք կարող են պնդել, որ մենք մեր հիմնական ուժերը ծախսում ենք ճաշ եւ ընթրիք պատրաստելու վրա, իսկ նախաճաշին մենք ուտում ենք  միայն շիլա, ձու եւ չորահացեր (գոնե Ամերիկայում): Բայց ո՞վ է ասել, որ նախաճաշին պետք է ուտել ավանդական կերակուրներ: Սպիտակուցը, բջջանյութը եւ ածխաջրերը ակտիվացնում են մարմինը եւ լիցքավորում են այն ամբողջ օրվա ընթացքում, հայտնում է The Medical Daily:

Նախաճաշի համար կան բազմաթիվ հատուկ դիետաներ, որոնք օգնում են զսպել Ձեր ախորժակը, նպաստում են նիհարելուն եւ կանոնավորում են խոլեստերինի մակարդակը արյան մեջ: Թել-Ավիվի համալսարանի հետազոտողները պարզել են, որ մարդիկ, ովքեր նախաճաշին մեծ քանակությամբ կալորիա են ընդունել (օրվա չափաբաժնի 50%-ը) կրճատել են դրանց քանակը  յուրաքանչյուր ճաշից հետո: Օրվա կալորիաների 14%-ի օգտագործումը ոչ միայն նպաստում է նիհարելուն, այլեւ նվազեցնում է վնասակար խոլեստերինի քանակը արյան մեջ (ցածր խտության լիպոպրոտեիդներ ՑԽԼ) եւ ավելացնում է օգտակար խելեստերինի քանակը (բարձր խտության լիպոպրոտեիդներ ԲԽԼ):

Դա պայմանավորված է նրանով, որ լավ նախաճաշելուց հետո մարդիկ շատ չեն ուտում ճաշին ու ընթրիքին եւ օրվա ընթացքում սովի զգացում չեն ունենում: Բացի այդ, գլյուկոզայի  քանակը արյան մեջ մնում է անփոփոխ, եւ դա չափազանց կարեւոր է, քանի որ այն կարող է շաքարախտ առաջացնել: Այն նաեւ օգտակար է ընդհանուր մետաբոլիկ սինդրոմի համար, որն իր մեջ ներառում է նաեւ սիրտն ու զարկերակները:

Այսպիսով, նախաճաշը  չափազանց կարեւոր է: Բայց պե՞տք է այդքան շուտ նախաճաշել: Նույն արդյունավետությունը կլինի՞, եթե նախաճաշեք ավելի ուշ կամ հավելյալ սնվեք օրվա ընթացքում: 2013թ-ի հետազոտությունները ցույց են տվել, որ շաքարախտով հիվանդները, որոնք չեն նախաճաշել, բայց պահել են Միջերկրածովյան դիետա, նկատվել է նույն մետաբոլիզմը, այնպես  ինչպես նրանք, ովքեր կերել են ցածր կալորիականությամբ նախաճաշ՝ չնայած այն հանգամանքին, որ իրենց կալորիաների քանակը կրկնակի ավել է եղել: Սա պայմանավորված է նրանով, որ Միջերկրածովյան դիետան ինքնին շատ առողջարար է՝ այն ներառում է սպիտակուցներ, ձիթապտղի յուղ, ընկույզ, մրգեր, բանջարեղեն, լոբի, ձավարեղեն եւ չափավոր քանակությամբ ձուկ եւ թռչնի միս:

Այսպիսով, ցանկացած դեպքում սննդարար մթերքների ընտրությունը ավելի կառողջացնի Ձեզ: Սակայն եթե նկատել եք, որ մի մեծ ու առատ նախաճաշից հետո, դուք ավելի քիչ եք սովածանում օրվա ընթացքում, ապա ընտրեք այդ տարբերակը:

Հարցեր, պատասխաններ, մեկնաբանություններ